3 km frå Nordfjorden kjem du til det vakre Lovatnet. Du kan enten sykle langs vatnet heile vegen til Kjendalsbreen, eller du kan ta båten M/B Kjendal over Lovatnet til Kjenndalstova.
Start: Loen Sentrum Mål: Kjendalsbreen Lengde: 17 km
Vakker natur og dalen si dramatiske historie gjer Lodalen spesiell. To gonger rasa steinblokker frå Ramnefjell ut i Lovatnet, og flodbyljene la bygdene Nesdal og Bødal øyde. Dette skjedde 15.januar 1905 og 13.september 1936.
Turen er enkel og fin, med lita stigning og gode sykkelvegar. Den er difor veleigna til sykling både for liten og stor.jendalsbreen ligg inst i botnen av Lodalen, og er målet for sykkelturen. Du kan sykle mest heilt inn til breporten. - GOD TUR -
Matservering/kiosk/toalett: Merka av på kartet.
Sykkelutleige:T-info Stryn og Olden. Ellers merka av på kartet.
Sykkelreparasjon: Merka på kartet.
Trafikktilhøve: Deler av strekninga er trafikkert i fellesferien,ellers liten trafikk
Sykkelkart: Dersom du ønskjer å ha med dette kartet på turen, kontakt bedriftene som er merka av på kartet, eller t-infoane.
